Sen lugar a ningunha
dúbida, o que facemos, pensamos e sentimos (as causas), tenhen
efectos en nós mesmas, na xente que nos rodea e no mundo no cal
vivimos. Aínda que sexa por unha cuestión de simple egoísmo, non
nos gustaría mellorar o lugar onde todas vivimos?
A #NovaPolítica da
que falo é tanto unha política persoal de crecemento interior, como
unha política de mellorar as institucións xa establecidas. As
minhas verbas van dirixidas a todos os seres, coa intención de
ampliar a Consciencia do noso facer, pensar e sentir. É posible
facelas cousas de outra maneira, e de feito, é algo que xa moitas
estamos facendo... e seguiremos.
A continuación
exponho 3 campos nos que estamos vivindo, ós que nos
estamos adaptando, ou ós que nos temos que adaptar.
+ (IN)FORMACIÓN
Antes: a crenza de
que o único que existe é o que sae pola tele ou nos xornais, o seu
poder e monopolio, a unidireccionalidade dos medios de comunicación
masivos (mass·media), cos seus intereses ocultos e ao servizo de
unhas poucas, está a piques de caer.
Deixamos atrás as mentiras...
Agora: con internet
como medio difusor da información, ganhamos en cantidade de
información, e en rapidez da súa propagación. Eso que antes se
agochaba, o misterio, o oculto, o novo mundo, está saíndo a luz
pública. Claro que moitxs aínda non o queren ver... seguen querendo
a súa cota de poder.
A mellorar: o exceso
de información fai que tenhamos que seleccionar que ver e a quen
escoitar. É preciso un tempo de reflexión persoal (pode que
acompanhado de soidade e silencio, ou de algunha lectura interesante
e profunda) para non nos atosigar con ese exceso de información.
Atrevámonos a facer o que nos dictamine o noso propio ser! Por
suposto, dende o corazón. (CORAXE)
+
(INTER)NACIONALISMO
Antes: primeiro a
Igrexa, logo reis e gobernantes do que consideramos o noso
país/nación, ao longo da historia, sempre fumos considerados
vasalxs. Isto é algo que se mantén no pensamento colectivo. Os bos
e os malos se mantenhen no noso pensamento, e en parte, seguimos
metidxs nese bipartidismo.
Deixamos atrás as fronteiras da mente...
Agora: coa apertura
da mente e dos corazóns das persoas, atopámonos cunha cidadanía
alborotada, que fala e repite vellas consignas a prol do que
consideran o bo, en contra do malo. Todas queremos e debemos formar
parte dos novos procesos, sen esquecernos de que estamos aquí pola
mesma causa, o lugar onde vivimos, a Terra.
A mellorar: non
sempre é fácil pórse do lado da persoa coa que estamos enfrontadxs
ou coa que temos ao lado. A propia falta dun entendimento claro non
nos permite avanzar no noso sendeiro persoal e comunitario. A
confianza nos demáis demóstrase confiando nas boas ideas e
intencións que ten unha mesma. A verdadeira unión de TODXS é un
caminho con trabas... que nos servirán para aprender. (CONFIANZA)
+ DEMOCRACIA
Antes: o estar
sometidxs polas institucións, polos partidos, polas nosas propias
limitacións persoais e desexos, súmase a nosa
falta de experiencia en procesos de converxencia cidadá, familiar,
humana. Deixamos atrás o medo...
Agora: o cambio de
valores está presente nas verbas de todxs; sabemos que é posible
construir unha “unidade popular”, dende a base, e ao mesmo tempo
sabemos que, de momento, non estaremos todas de acordo as unhas coas
outras. Non chega con falar: hai que xuntarse, entenderse e facer en
conxunto. Dar a cara e mollarse polo que cada quen cre.
A mellorar:
escoitemos novas ideas, e deamos valor ás que máis nos gusten. Transformemos as vellas ideas en cousas boas, positivas e sinceras.
Fagamos as cousas con pequenos cambios, doutra maneira: sen tanto
“peros”, preguntemos en vez de negar, afirmemos e melloremos o
que aparece e o q xa hai, que é moito. Tenhamos a ousadía de escribir esa parte
da historia que falta por escribir (o futuro) con fermosas verbas como Amor e
Paz. De todxs e para todxs, incluíndote a ti, por suposto. (VALOR)
CONCLUSIÓN: O bo que facemos
como conxunto ten un valor engadido pola suma de esforzos. O cambio no noso pequeno "rincón do mundo" será visible e valorado en
todo o mundo... acaso podemos facelas cousas doutra maneira que non sexa pensando no ben?
O proceso democrático galego, fagámolo ben ou "non·ben", terá repercusión no goberno de Espanha, ao igual que as pequenas accións individuais que argallamos, son e serán valoradas polo resto do mundo.
Sen máis dilación, despídome agradecendo todas e
cada unha das vosas boas intencións, e pedíndovos que sigades, que sigamos... facendo máis e mellor.
Saúdos fraternais,
RenaRenato
